93 տարեկանին մահացած է ՄԱԿ-ի նախկին ընդհանուր քարտուղար Պութրոս Պութրոս Ղալին` Գահիրէի մէջ, կը հաղորդէ «Պի.Պի.Սի.»:
Պութրոս Ղալի ՄԱԿ-ի ընդհանուր քարտուղարի պաշտօնը վարած է 1992-1996 ժամանակաշրջանին: Անոր պաշտօնավարման ժամանակահատուածը հակասական գնահատականներու արժանացած է 1994-ին Ռուանտայի ցեղասպանութեան եւ Անկոլայի քաղաքացիական պատերազմին մէջ ՄԱԿ-ի սպասողական պահուածքին պատճառով:
ՄԱԿ-էն հեռանալէ ետք` 1998-էն 2002 թուականներուն Պութրոս Ղալի ստանձնած է Ֆրանսախօս երկիրներու միջազգային կազմակերպութեան ընդհանուր քարտուղարի պաշտօնը:
2004-ին նշանակուած է Եգիպտոսի Մարդու իրաւունքներու խորհուրդի նախագահ:
All the contents on this site are copyrighted ©. |