Ֆրանչիսկոս Պապ Մորելիայի մէջ կը հանդիպի կղերական դասին եւ երիտասարդներուն։

(Ռատիօ Վատիկան) Ֆրանչիսկոս Պապին Մեքսիքօ կատարած առաքելական այցելութիւնը կը շարունակուի մեծ խանդավառութեամբ եւ 15 Փետրուարին` Չափաս նահանգին մէջ հանդիպելէ ետք Մեքսիքացի բնիկներուն հետ, Երեքշաբթի` 16 փետրուար 2016-ին, Ֆրանչիսկոս Սրբազան Քահանայապետը կ՛այցելէ Մեքսիքոյի չորրորդ քաղաքն ու թեմը Մորելիան որ կը գտնուի Մեքսիքոյի կեդրոնական տարածքին  ուր Նորին Սրբութիւն կը հանդիպի Մեքսիքոյի կղերական դասին ապա երիտասարդներուն հետ։ Յայտնենք թէ Մորելիայի քաղաքին մէջ տարածուած է թմրեցուցիչի մաքսանենգներու գործունէութիւնը։

Նորին Սրբութիւնը իր օրակարգը կը սկսի տեղական ժամով առաւօտեան 7,15-ին (Հռոմի ժամով 14,15-ին) Մեքսիքոյի առաքելական նուիրակութենէն փոխադրուելով Մեքսիքոյի ''Պենիթօ Խուարես''օդակայան, որտեղ հակիրճ հանդիպում կ՛ունենայ ''AeroMexico'' ընկերութեան մի քանի պաշտօնեաներուն հետ ապա կը մեկնի դէպի Մորելիա` ուր կը ժամանէ  տեղական ժամով 8,45-ին (Հռոմի ժամով 15,45-ին)։

Սրբազան Քահանայապետը կը դիմաւորեն Մորելիա թեմին առաջնորդ արքեպիսկոպոսը` Կարդինալ Ալպերթօ Սուարեզ Ինտա եւ տեղական պատկան իշխանութիւններէ կազմուած պատուիրակութիւն մը։ Սրբազան Քահանայապետը ապա ինքնաթիռով կը տեղափոխուի ''Մորելայի'' Վենուսթիանօ Քարրանցա'' մարզադաշտ ուր նախատեսուած է Սուրբ պատարագի արարողութիւնը Մեքսիքոյի կղերական դասին հետ` քահանաներ,­ կրօնաւոր- կրօնաւորուհիներ, նուիրեալ անձինք եւ ժառանգաւորներ։ Սուրբ Զոհի աւարտին Սրբազան Քահանայապետը եւ իրեն ընկերացող պատուիրակութիւնը հիւրը կը հանդիսանան Մորելիա թեմին առաջնորդին ապա տեղական ժամով 15,05-ին (Հռոմի ժամով 22,05-ին) Նորին Սրբութիւնը կ՛այցելէ Մորելիայի աթոռանիստ եկեղեցին, եկեղեցւոյ աւանդատան մէջ հանդիպում ունենալով Մեքսիքական 14 Համալսարաններու Ռէքտորներու եւ կրօնական այլ 6 դաւանքներու ներկայացուցիչներուն հետ ինչպէս նաեւ Առաջին Սուրբ Հաղորդութեան խորհուրդին պատրաստուող պատանիներու հետ։

Աթոռանիստ Եկեղեցւոյ սեմին, Մորելիայի քաղաքապետը քաղաքին բանալիները կը յանձնէ Ֆրանչիսկոս Պապին որ ապա կ՛ուղղուի Մեքսիքոյի անկախութեան հերոսի անունը կրող ''Խոսէ Մարիա Մորելոս Ի Փավոն'' մարզադաշտ` ուր նախատեսուած է Մեքսիքացի երիտասարդութներուն հետ հանդիպումը որ սկիզբ կ՛առնէ տեղական ժամով 16,30-ին (Հռոմի ժամով 23,30-ին)։ Երգեցողութիւններէ, տեղական աւանդական պարերէ, երիտասարդներու ներակայցուցած վկայութիւններէ եւ աղօթքներէ ետք խօսք կ՛առնէ նաեւ Ֆրանչիսկոս Սրբազան Քահանայապետը իր պատգամը ուղղելով երիտասարդներուն։

Մորելիա քաղաքի մարզադաշտին մէջ կայացած երիտասարդներու հետ հանդիպումի աւարտին  Ֆրանչիսկոս Պապ կ՛ուղղուի Մորելիայի օդակայան ուրտեղէն` տեղական ժամով 18,30-ին (Հռոմի ժամով 17 փետրուարի 01,30) կը մեկնի եւ վերադարձ կը կատարէ Մեխիքօ ուր կը ժամանէ 19,35-ին (Հռոմի ժամով 17 փետրուարի 2,35) եւ անմիջապէս կ՛ուղղուի Մեքսիքոյի առաքելական նուիրակութիւն վերջ  տալով Մեքսիքոյի առաքելական ճամբորդութեան վերջընթեր օրուայ յայտագրին։