Ekatepek, qytet e komunë në Shtetin e Meksikos

Qytet e komunë në Shtetin e Meksikos, që në gjuhën nàhuatl do të thotë “kodër me erë”. Pjesa më e madhe e banorëve të kësaj zonë vijnë nga Qyteti i Meksikos me metro. Shenjti Pajtor është shën Kristobali, siç i thonë banorët shën Kristoforit, festa e të cilit kremtohet më 25 korrik. E populluar që nga lashtësia, zona pushtohet nga perandoria azteke. Me mbërritjen e spanjollëve, Ekatepueku qeveriset nga një kryetar i lidhur ngushtë me dinastinë mbretërore të Tenochtitlan, kryeqyteti aztek. Ekatepeku deklarohet “Republikë e Indiosve” në vitin 1560, gjë që i dha një farë autonomie dhe i siguroi udhëheqjen nga një kryetar vendas. Në shekullin XVII kthehet në komunë e administruar nga spanjollët dhe emrit i shtohet diçitura “de Morelos”, mbiemri i heroit kombëtar Maria Morelos y José Pavòn, vrarë në vitin 1815 nga spanjollët, gjatë luftës për pavarësinë e Meksikës. Shtëpia ku u vra është tashmë muze.

Dioqeza e Ekatepekut është sufragane e Tlalnepantla-s. Ka 2.400.000 banorë, ndër të cilët 83% janë katolikë. Ka 97 famulli, 139 meshtarë dioqezanë, 10 meshtarë rregulltarë, 28 rregulltarë, 160 rregulltare, 66 seminaristë, 11 diakon të përhershëm, 4 institute edukative, 37 institute bamirëse. Gjatë vitit të fundit janë pagëzuar 13.892 vetë.

 Ipeshkëv i Ekatepekut është imzot Oscar Roberto Dominguez Couttolenc, MG, lindur në Puebla më 13 maj 1956, shuguruar meshtar më 11 gusht 1983, shuguruar ipeshkëv më 11 qershor 2007.