Անգլիոյ արքայական մատրան մէջ Կաթողիկէ Լատին ծէսով արարողութիւն։

(Ռատիօ Վատիկան) Անկլիգան եկեղեցւոյ բաժանումէն 450 տարիներ ետք, Լոնտոնի Hampton Court Palace արքայական մատրան մէջ, տեղի  կ՛ունենայ երեկոյեան ժամասացութիւն մը ըստ կաթողիկէ լատին եկեղեցւոյ ծէսին։

Պատմական այս դէպքը կարելի եղաւ Genesis Foundation-ի և Choral Foundation-ի` երկու գեղարուեստական մարմիններու նախաձեռնութեան շնորհիւ ̦ որոնք ուզեցին համամիութենական դրոշմ տալ վերոնշեալ ձեռնարկին։ Ժ

ամասացութիւնը պիտի գլխաւորէ կարդինալ Vincent Nichols Ուեսթմինսդերի առաջնորդը` իսկ Լոնտոնի Անկլիգան եկեղեցւոյ եպիսկոպոս ու արքայական մատրան գահերէցը ` Richard Chartres պիտի արտասանէ յաւուր պատշաճի քարոզը։

Ժամասացութիւնը պիտի արտասանուի լատիներէնով եւ աղօթքները (շարականները) պիտի վերապահուին ս﹒ Յովհաննէս Մկրտիչի` քանի Մատուռը անոր նուիրուած է։

Նախքան ժամասացութեան սկիզբը երկու եկեղեցականները հանդիպում պիտի ունենան և պիտի խօսին ''հաւատքը եւ թագաւորութիւնը'' նիւթին մասին։ Անոնք մասնաւորապէս պիտի ընդգծեն թէ հակառակ բաժանումին երկու եկեղեցիները կարողացան վառ պահել իրենց կապերը։

Այս հանդիպումին ընթացքին նախատեսուած են երաժշտական գործադրումներ Sixteen և Genesis Sixtee երգչախումբերուն, ղեկավարութեամբ Harry Christophers-ի։