(Ռատիօ Վատիկան) “Asia Times” գործակալութեան հետ ունեցած մէկ ելոյթով ֆրանչիսկոս Պապը իր հիացումը յայտնած է ''Չինաստանի վրայ, անոր մեծ մշակոյթին եւ անոր անհատնում իմաստութեան համար''։
Զրոյցի ընթացքին Սրբազան Պապը իր բարեմաղթութիւնները յայտնած է չինացի ժողովուրդին անոր նախագահ` Xi Jinping-ին, անոնց ամանորին առթիւ, որ այս տարի կը զուգադիպի 8 Փետրուարին։ Երկարաշունչ ասուլիսին ընթացքին հայող Չինաստանի մշակոյթի ու իմաստասիրութեան, առանց անդրադառնալու կրօնական ու քաղաքական հարցերու, ֆրանչիսկոս Պապը ըսաւ ''ինծի համար Չինաստանը հոմանիշ է մեծութեան, մեծ մշակոյթ ու անսպառ իմաստութիւն։ Յիսուսեան հայր Matteo Ricci` Չինաստանի առաքեալը մեզի սորվեցուց երկխօսութեան մէջ մտնել այս երկրին հետ։ Բազմաթիւ բաներու համար Օրհնուած հող մըն է Չինաստանը եւ Կաթողիկէ Եկեղեցւոյ պարտականութիւնն է յարգել բոլոր քաղաքացիութիւնները։
Սրբազան Հայրը ոգեկոչեց ապա ապրած յուզումները երբ կը սաւառնէր այդ հողին վրայէն մինչ Յունուար 2015-ին կ՛ուղղուէր դէպի Սիրի Լանքա ու Ֆիլիփինեան կղզեխումբը։
Պատասխանելով խաղաղութեան նիւթի մասին հարցումին Նորին Սրբութիւնը ընդգծեց թէ վախը լաւ խորհրդատու մը չէ, ուստի վախնալու չենք մարտահրաւէրներէն, այլ հարկաւոր է կարողութիւնը ունենալ համակեցութեան եւ փոխադարձ յարգանքի։ Բնականաբար, մատնանշեց ֆրանչիսկոս Պապը, խաղաղութեան հաւասարակշռութիւնը պահել մեծ գրաւ մըն է, Չինաստանը, Եւրոպան ու Արեւմուտքը կարողութիւնն ու ուժը ունին պահելու հաւասարակշռութիւնը, այս պատճառաւ հարկաւոր է ամէն ջանք դափել այդ կէտ նպատակին հասնելու համար` երկխօսութեան միջոցաւ։ Այլ նախընտրութիւն մը չունինք։
Խօսելով երկխօսութեան մասին ֆրանչիսկոս Պապը ըսաւ ''երկխօսութիւնը փոխզիջում մը չէ այլ միասնական ընթացք մըն է։ Երկխօսութիւնը կը հրաւիրէ հանդիպումին։ Խաղաղութեան ճշմարիտ հաւասարակշռութիւնը կարելի է իրականացնել երկխօսութեան միջոցաւ։ Բոլոր ազգերը կանչուած են իրենց նպաստը բերելու խաղաղութեան եւ հասարակաց բարիքի իրականացումին։
Ողորմութեան Յոբելեանi առթիւ Նորին Սրբութիւնը հրաւէր ուղղեց չինացի ժողովուրդին հաշտուելու իրենց պատմութեան հետ, իրենց կատարած նուաճումներուն ու ձախողութիւններուն հետ։ Այս կեցուածքը կը տանի հասունութեան ու աճումին - ըսաւ Ան ապա զրոյցի աւարտին, չինական ամանորին ի տես, որ այս տարի կը զուգատիպի 8 Փետրուարին ու նուիրուած է կապիկին, Սրբազան Հայրը իր ջերմ բարեմաղթութիւնները յայտնեց հանրապետութեան նախագահ Xi Jinping-ին ու համայն չինացի ժողովուրդին։ Աղօթքս է որ բնաւ չկորսնցնեն գիտակցութիւնը ըլլալու մեծանձնութիւն` պատմութեամբ ու իմաստութեամբ հարուստ։ Մաղթանքս է որ շարունակեն օգնել ու համագործակցիլ բոլորին հետ, հասարակաց տան ու համայն ժողովուրդներու բարօրութեան համար - ըսաւ Ֆրանչիսկոս Պապ։
All the contents on this site are copyrighted ©. |