Անդրանիկ Ծ.Վրդ. Կռանեանի ծննդեան 87-րդ տարեդարձը

Հինգշաբթի 21 Յունուար 2016-ին, Զմմառու վանքին մէջ տեղի ունեցաւ Գերյ. Հ. Անդրանիկ Ծ.Վրդ. Կռանեանի ծննդեան 87-րդ տարեդարձը: Այս առթիւ կատարուեցան փոխադարձ բարեմաղթանքներ, մաղթելով բազմավաստակ վարդապետին քաջառողջութիւն և երկար կեանք: Տօնակատար վարդապետը խորապէս յուզուած՝ սրտագին շնորհակալութիւն յայտնեց ջերմ բարեմաղթանքներուն համար, մաղթելով որ՝ Զմմառու վանքը իր միաբաններով միշտ հաւատարիմ մնայ հայ ժողովուրդի առաքելութեան: Գերյարգելին իր հոգեւոր եւ գրական կեանքի վաստակը, արդիւնքը համարեց նաեւ Զմմառու Տիրամօր մայրական սիրոյն, որուն հովանիին ներքեւ ապրած և ստեղծագործած էր տարիներ շարունակ: