(Ռատիօ Վատիկան) ''Անմեղ քաղաքացիները այսօրուայ պատերազմի գլխաւոր զոհերն են եւ միջազգային հասարակութիւնը անտարբերութեամբ ու լռութեամբ կը հետեւի անցուդարձներուն'' յայտարարած է Ս﹒ Աթոռի ՄԱԿի մօտ մնայուն դէտը գերապայծառ Պերնարտիթօ Աուզա ̦ խօսք առնելով ՄԱԿ-ի անվտանգութեան խորհուրդին բանավէճի ընթացքին որուն նիւթն է ''քաղաքացիներուն պաշտպանութիւնը զինեալ ընդհարումին ընթացքին''։
Վատիկանի դիւանագէտը ՄԱԿ էն պահանջեց արդարութեան կանչել անմեղներու սպանդին պատասխանատուները։ Միաժամանակ խնդրեց օգնութեան հասնիլ պատերազմի զոհ քաղաքացիներուն։ Ան` յանուն ֆրանչիսկոս Պապին իր երախտագիտութիւնը յայտնեց բոլոր այն երկիրներուն որոնք լայն բացին իրենց դռները օգնելու գաղթականներուն ու փախստականներուն։ Ս﹒ Աթոռի մնայուն դէտը խրախուսեց ապա յաղթահարել չարին` բարիք կատարելով եւ պայքարելով անտարբերութեան դէմ` զօրակցութեան ճամբով։
All the contents on this site are copyrighted ©. |