E diel më 17 janar, Kisha katolike kremton të Dielën e 2-të të kohës së zakonshme gjatë vitit liturgjik kishtar. Gjithnjë më 17 janar, kalendari kishtar përkujton shëna Ndoun, abat e shën Marçelin ipeshkëv.
Më 17 janar bie edhe dita e thellimit të dialogut fetar hebraiko-kristian, ndërsa fillon edhe Java e lutjes për bashkimin e të krishterëve, që do të vijojë deri më 25 janarin e ardhshëm. Kisha na fton të gjithëve të lutemi e të punojmë për këtë qëllim.
Po më 17 janar, bie Dita Botërore e Emigracionit dhe refugjatëve. Liturgjia e Fjalës së Zotit na propozon Jezusin që bënë në Kanën e Galilesë mrekullinë e parë ( apo “shenjën”): ndryshon ujin në verë. Është gëzim për qiftin e të martuarve e edhe për ne është motiv për të vlerësuar martesën e krishterë, bashkimin e burrit e të gruas, lartuar në sakrament.
Të hënën më 18 janar, kalendari përkujton shën Priskën, themeluese
e kishës romake me të njëjtin emër në Aventin.
Të martën me 19 janar kalendari përkujton shën Gjermanikun, martir
i Filadelfies, shën Gjonin, ipeshkëv i Ravenës, shenjtorët Marion, Martën, Audifacin
e Abakun, martirë.
Të mërkurën me 20 janar, kalendari përkujton shën Fabianin, papë
e martir dhe shën Sebastianin, martir.
Të enjten me 21 janar, kalendari përkujton festën e Shën Anjezes,
virgjër e martire.
Të premten më 22 janar, kalendari përkujton shën Vinçencin, diakon
spanjoll e martir, shën Vinçenc Palotin, meshtar, themelues i Shoqërisë së Apostullimit
Katolik dhe shën Anastasin, murg e martir.
Të shtunën me 23 janar, kalendari përkujton shën Emerencianen, martire
romake e shën Hildefonsin, ipeshkëv i Toledos.
Të dielën e ardhshme me 24 janar, bie e diela e 3-të gjatë vitit kishtar,
e gjithnjë më 24 janar bie edhe përkujtimi i shën Françeskut të Sales, ipeshkëv i
Gjenevës e doktor i Kishës, themelues i Urdhrit të Vizitacionit, pajtor i shtypit
katolik.
All the contents on this site are copyrighted ©. |