(Ռատիօ Վատիկան) Լոյս տեսաւ Ֆրանչիսկոս Պապի Յունուար – Փետրուար ամսուայ գլխաւորած արարողութիւններու յայտագիրը
Երկուշաբթի, 25 յունուար 2016-ին, Սուրբ Պօղոսի դարձի տօնին առթիւ, Ֆրանչիսկոս Պապ` Հռոմի Սուրբ Պօղոսի անուան տաճարին մէջ, երեկոյեան ժամը 6-ին, կը գլխաւորէ ժամասացութեան համամիութենական արարողութիւնը։
Երեքշաբթի, 2 փետրուարին, Յիսուսի Տաճար ընծայման եւ Կրօնաւորական կեանքի համաշխարհային 20-րդ զոյգ տօներու առթիւ, յետմիջօրէին ժամը 5-30-ին, Սրբազան Քահանայապետը Սուրբ Պետրոսի Մայր տաճարին մէջ կը մատուցէ հանդիսաւոր Սուրբ Պատարագ, որուն ընթացքին փակումը կը կատարէ նաեւ կրօնաւորական կեանքի նուիրուած տարուան։
Չորեքշաբթի, 10 փետրուարին, օր մոխրոց է, յետմիջօրէի ժամը 5-ին, Սուրբ Պետրոսի Մայր տաճարին մէջ Սրբազան Հայրը կը գլխաւորէ մոխիրի օրհնութեան արարողութիւնը որուն ընթացքին, Ողորմութեան Սուրբ տարուայ առթիւ, Նորին Սրբութիւնը կը կատարէ նաեւ Ողորմութեան միսիոնարներու առաքումը ։
12-18 փետրուար 2016-ին, Ֆրանչիսկոս Պապ Միջազգային առաքելական ճամբորդութեամբ կը մեկնի Մեքիսքօ։
Իսկ Մեքսիքողէն վերադարձին`Երկուշաբթի, 22 փետրուարին, Սուրբ Պետրոսի գահի տօնին առթիւ, առաւօտեան ժամը 10.00ին Սուրբ Պետրոսի Պազիլիքային մէջ, Նորին Սրբութիւնը կը գլխաւորէ հանդիսաւոր Սուրբ Պատարագ որուն իրենց մասնակցութիւնը կը բերեն ՝՝Հռոմի Քուրիայի – Վատիկանի վերին իշխանութեան ՝՝ անդամները նշելով Հռոմի Քուրիայի ողորմութեան յոբելեանը։
All the contents on this site are copyrighted ©. |