ՄԱԿ հաղորդեց, որ Սուրիոյ կառավարութիւնը համամիտ գտնուած է Սուրիոյ բանակին կողմէ պաշարուած Մատայա եւ զինեալ ընդդիմութեան կողմէ պաշարուած Քաֆարիա եւ Ֆուաա քաղաքներուն մարդասիրական օժանդակութեան մատակարարման:
Սուրիական կարմիր մահիկէն 300 կամաւորներ արդէն պատրաստ են գոյացած համաձայնութեան ծիրին մէջ միաժամանակ վերոնշեալ երեք քաղաքներուն մարդասիրական օժանդակութիւն մատակարարելու:
ՄԱԿ աշխատանք կը տանի պատրաստելու կարաւաններ` զանոնք կարելի եղածին չափ մօտիկ ժամանակին նշեալ պաշարեալ քաղաքները ուղարկելու համար:
Մարդասիրական գործակալութիւններ կը հաղորդեն, որ Դամասկոսի մօտ գտնուող Մատայայի մէջ կացութիւնը «շատ ծանր» է:
All the contents on this site are copyrighted ©. |