“Ia mbyllën portën në fytyrë Birit të Zotit”. Me këto fjalë të qarta, Papa Françesku fotografoi sot, gjatë lutjes së Engjëllit të Tënzot të dielës së parë të vitit 2016, “dramaticitetin e Mishërimit” të Hyjit, duke nënvizuar se njerëzit nuk e pranuan “dhuratën e dashurisë së Zotit”.
Në katekizmin e shkurtër të sotëm, Papa Bergoglio u ndal te “misteri i së keqes" që i kanoset edhe jetës sonë e, prandaj ne duhet të jemi vigjilentë e të vëmendshëm, në mënyrë që të mos mbizotërojë”. Kështu tha Papa Françesku gjatë lutjes së Engjëllit të Tënzot duke cituar Ungjillin e sotëm: “ Fjala është dritë, e megjithatë njerëzit preferuan errësirën”, “ia mbyllëm derën në fytyrë Birit të Zotit”. Ky “është misteri i të keqit”, shtoi Papa Françesku.
“Në këtë Vit të Shenjtë të Mëshirës së Zotit, le të bëjmë që Ungjilli të jetë përherë e më shumë i mishëruar në jetën tonë. T’i afrohesh Ungjillit, duke e medituar e mishëruar në jetën e përditshme, është mënyra më e mirë për ta njohur e çuar Jezusin të tjerëve”. “Kujtoj atë këshillë – shtoi Papa Bergoglio gjatë lutjes së Engjëllit të Tënzot – që shpesh herë ju kam dhënë: çdo ditë lexoni një pjesë të Ungjillit për ta njohur më mirë Jezusin e për t’ia çuar të tjerëve. Ta mbartim, pra, një Ungjill të vogël në xhep apo në çantë, e do të na bëjë mirë”.
Kështu pohoi mes tjerash Papa Françesku gjatë lutjes së Engjëllit të Tënzot, në Sheshin e Shën Pjetrit në Vatikan.
All the contents on this site are copyrighted ©. |