(Ռատիօ Վատիկան) Այս տարի եւս Վատիկանի Ռատիոկայանը ուղիղ եթերով կը սփռէ Ֆրանչիսկոս Սրբազան Քահանայապետի գլխաւորած Սուրբ Ծննդեան արարողութիւնները. 24 դեկտեմբերի՝ երեկոյեան ժամը 9.30-ին, Սուրբ Պետրոսի տաճարին մէջ մատուցանելիք Ճրագալոյցի հանդիսաւոր Սուրբ ս. Պատարագը եւ ուրբաթ 25 դեկտեմբերին` Սուրբ Պետրոսի կեդրոնական պատշգամէն արտասանելիք ''Հռոմ Քաղաքի ու համայն աշխարհի'' Սուրբ ծննդեան պատգամն ու առաքելական օրհնութիւնը։
Վերոնշեալ արարողութիւնները պիտի սփռուին Ռատիովատիկանի ''YOUTUBE-ի'' ցանցէն (www.youtube.com/user/radiovaticanavideo) եւ Ռատիովատիկանի ''VATICAN PLAYER'' համացանցային ծրագիրի միջոցաւ որ հասանելի է www.radiovaticana.va ցանցային հասցէով։
Յայտնենք նաեւ թէ ուղիղ եթերով պիտի սփռուի նաեւ 1 Յունուար 2016-ին Ֆրանչիսկոս Սրբազան Քահանայապետին Սանթա Մարիա Մաճճորէ պազիլիքային մէջ գլխաւորելիք Սուրբ Պատարագի եւ դռնբացէքի արարողութիւնները Աստուածամօր Ամենասուրբ կոյս Մարիամի տօնին եւ Խաղաղութեան 49-րդ համաշխարհային օրուան առթիւ։
All the contents on this site are copyrighted ©. |