Sot Kisha katolike kremtoi të dielën III të Kohës së Ardhjes, duke iu afruar edhe një hap Krishtlindjes. U kremtua edhe festa liturgjike e shën Luçisë, virgjër e matire e Sirakuzës, shumë e nderuar ndër shqiptarë, që i kushtuan katedralen e Durrësit, ku u mbajt edhe kremtimi kryesor festiv.
Nesër, e hënë, do të përkujtojmë Shën Gjonin e Kryqit, meshtar e dijetar i Kishës, karmelitan i zbathur.
Të martën, është festa Shën Valerianit, një nga martirët e parë të krishterë të Afrikës.
Shenjti që do të përkujtohet të mërkurën është shumë i njohur në viset dhe në ikonografinë e krishterë: është Shën Davidi, mbret e profet, që kremtohet njëkohësisht me Shën Adelaiden perandoreshë.
Të enjten, festa e shën Danielit profet dhe e shokëve të tij: Anania, Azaria e Misaeli.
Përkujtohet edhe festa e Shën Gjonit Matha, meshtar e themelues i Trinitarëve si dhe e shën Gjaçintit Kormier, meshtar domenikan.
Të premten përkujtohen shën Malakia profet dhe shën Gaciani ipeshkëv i Tours.
Të shtunën është festa dy Papëve: Urbanit V dhe Anastasit.
Jemi fare afër Krishtlindjes. E diela e ardhshme është e katërta dhe e fundmja e Kohës së Ardhjes.
All the contents on this site are copyrighted ©. |