Կաթողիկէ Եկեղեցին Քենիայի մէջ

(Ռատիօ Վատիկան) Քենիայի Քրիստոնէութեան հետ առաջին շփումը տեղի ունեցած է 1498-ին,՝ երբ Փորթոկալցիներ  դէպի Հնդկաստան կատարած ճամբորդութեան ժամանակ կ՝անցնէին Քենիայի տարածքէն։Այս Ճամբորդութեան յիշատակներէն մին կը մնայ  մինչեւ օրս պահպանուած Մալինտի քաղաքին մէջ գտնուող,  բարձր սիւնի մը վրայ զետեղուած խաչը  որուն հեղինակն է անուանի Վասքօ Տէ Կաման։

1500 թուականներուն, Ակոստինեան  միաբանութեան հայրերը եղած են առաջին  Աւետարանիչները ։

1631-ին Մոմպասա մարզի Սուլթանը  հսկայ հալածանք մղած է քրիստոնեաներուն դէմ, որոնց նահատակութեան յիշատակը կը նշուի ամէն տարին 21 օգոստոսին՝ Մոմպազայի 150 նահատակներուն անունով եւ որոնց երանացման դատը սկիզբ առած է արդեն։

ԺԹ դարու կէսին, Քենիայի  ժողովուդներու  Աւետարանացումը  նոր թափ կ՝առնէ ՝՝Սուրբ Հոգի՝՝ անուան միաբանութեան հայրերու ջանքերով, որոնց եպիսկոպոսը կը հաստատուի Զանզիպար կղզիին մէջ։

1860-1953 երկարող տարիներուն , զանազան կաթողիկէ միսիոնարական միաբանութիւններ կը հաստատուին Քենիայի մէջ ուր՝ 1953-ին կը հիմնուի Կաթողիկէ Եկեղեցւոյ նուիրապետութիւնը, Նայրոպի , Քիսումու եւ Մէրուի մէջ կաթողիկէ թեմերու ստեղծումով։

1957-ին, կ՛օծուի Քենիացի առաջին Եպիսկիպոսը որ ապա 1973 կը դառնայ առաջին Քենիացի Կարդինալ։

1985-1995 երկարող տարիներուն Սուրբ Յովհաննէս Պօղոս Քահանայապետ երեք անգամուայ համար կ՝այցելէ երկիրը։

Նայրոպի քաղաքի թեմը

Նայրոպի քաղաքը ունի 5,156.222 բնակչութիւն  որուն 2,942,093 քրիստոնեաներ են։

Թեմը կազմակերպուած է իր 106 ժողովրդապետութիւններով եւ այլ 16 եկեղեցիներով կամ առաքելական կեդրոններով։

Այնտեղ կը գործեն 168 թեմական քահանաներ եւ 406 կրօնաւորներ։  Թեմը ունի 336 դաստիարակչական հաստատութիւններ եւ 153 բարեսիրական կազմակերպութիւններ։

Թեմին արքեպիսկոպոսն է Կարդինալ Ժոն Նիու