Հայր Ֆետերիքօ Տա Պերկայի եւ անոր 25 ընկերներուն երանացման արարողութիւնը։

(Ռատիօ Վատիկան) Շաբաթ, 21 նոյեմբերին, Պարսելոնա քաղաքին մէջ տեղի կ՝ունենայ Աստուծոյ ծառայ Հայր Ֆետերիքօ Տա Պէրկայի եւ անոր 25 ընկերներուն երանացման արարողութիւնը զոր կը գլխաւորէ Սուրբերու դատի ժողովի նախագահ կարդինալ Անճելօ Ամաթոն։

 Ֆետերիքօ Տա Պէրկա՝ աւազանի անունով Մարթինօ Տարրէս Փուիկփելաթ եւ անոր 25 ընկերները մաս կը կազմէին Քափփուչիններու փոքրիկ եղբայրներու միաբանութեան։

Հայրր Ֆետերիքօ ծնած Է Սպանիոյ Պերկա քաղաքին մէջ։ Ան 1896-ին յաճախած է Քափփուչիններու վանքը ապա  դարձած Քաթալոնիա մարզի Քափուչիններու միաբանութեան ընդհանուր մեծաւոր 1921- 1924 երկարող տարիներուն։

 Հայր Ֆետերիքօ եղած է գործունեայ քաջ մեծաւոր հայր մը։ Ան քահանայութեան բարձր պաշտօնին համար  սպաննուած է Պարսէլլոնայի մէջ 17 փետրուար 1937-ին Մարքսիսդներու ձեռքով։  

Քաթալոնիա մարզի  Քափուչիններու նահատակներու՝  անուանացանկին  գլուխը կը գտնուի Հայր Տետեիրքոյի, 15 քահանաներ, 6 նորընծաներ, 5 աշխարհական եղբայրներ, որոնք նահատակուեցան Մարքսիսդներու  կողմէ 

Հայր Ֆետերիքոյի եւ անոր 25 ընկերներուն երանացման դատը սկիզբ  առած է 28 մարտ 1957-ին։

5 յունիս 2015-ին, Ֆրանչիսկոս Սրբազան Քահանայապետ,  պաշտօնապէս ճանչցաւ Հայր Ֆետերիքոյի եւ անոր ընկերներուն ''վասն հաւատքի'' նահատակութեան հերոսական առաքինութիւնը։