Откако италијанската новинска агенција АГИ, повикувајќи се на извори од Ватикан објави дека канонизацијата на блажена Мајка Тереза, основателка на монашката заедница Мисионерки на љубовта и добитничка на Нобеловата награда за мир ќе се одржи на 5 септември 2016 година, Канцеларијата за печат при Светиот Престол појасни дека сепак датумот не е определен.
Отец Чиро Бенедетини, заменик директор на Канцеларијата за печат при Светиот Престол потврди дека процесот е во тек и дека датумот уште не е определен.
АГИ објави дека блажената Мајка Тереза ќе биде канонизирана на годишнината од својата смрт, на денот кога Црквата го одбележува нејзиниот споменден. Ова веќе е втор пат медиумите да известуваат за датумот на канонизацијата и затоа Канцеларијата за печат при Светиот Престол ги демантира. Она што е јасно е дека процесот за канонизација е при крај и дека најверојатно чудесното оздравување по застапништвото на Мајка Тереза е признато, но за да се донесе конечниот датум за канонизација најпрво треба да заврши процесот.
РВ/го*ко
All the contents on this site are copyrighted ©. |