Գիտաժողով “Աստուած սէր է'' շրջաբերական թուղթի հրատարակութեան 10-րդ տարեդարձին առթիւ

(Ռատիօ Վատիկան) Պենետիկտոս ԺԶ Քահանայապետի ''Աստուած սէր է'' շրջաբերական թուղթի հրատարակութեան 10-րդ տարեդարձին առթիւ, միջազգային գիտաժողով մը կը գումարուի Լատերանեան քահանայապետական համալսարանի մէջ, 19 եւ 20 Նոյեմբերին­, եւ Augustinianum կոչուած հայրաբանութեան հաստատութեան մէջ 21 Նոյեմբերին, ունենալով որպէս բնաբան ''Աստուած սէր է եւ Դուռ Ողորմութեան''։

Գիտաժողովին խօսք կ՛առնեն հետեւեալ կարդինալները` Կարդինալ Քիւրդ Քոխ­, Կարդինալ Կեէրարտ Լուտվիկ Միւլլեր, Կարդինալ Ռոպերթ Սարա, Կարդինալ Քորտէս, Կարդինալ Ռանժիթ եւ Միլանոյի առաջնորդ Կարդինալ Սքոլա ինչպէս նաեւ աւետարանումի քահանայապետական խորհուրդի նախագահ գերապայծառ Ֆիզիքելլա։