Papa Solidarnosc-it: të drejtat e punëtorëve, para interesave ekonomike

Në audiencën e sotme të përgjithshme, Papa përshëndeti shtegtarët polakë, posaçërisht përfaqësuesit e Sindikatës së Pavarur të Punëtorëve, “Solidarnosc”, të pranishëm në Sheshin e Shën Pjetrit. Ja fjalët e Papës:

“Që prej 35 vjetësh Sindikata juaj angazhohet në ndihmë të botës së punës, si në këndvështrimin fizik, ashtu edhe në atë intelektual e në mbrojtje të të drejtave themelore të njeriut e të shoqërisë. Vijojeni besnikërisht këtë angazhim, duke u përpjekur që interesat politike ose ekonomike të mos kenë epërsi mbi vlerat, të cilat përbëjnë thelbin e solidaritetit njerëzor. Po ia besoj mbrojtjen tuaj dhe të gjithë anëtarëve të Sindikatës, Pajtorit tuaj don Jerzy Popieluszko dhe po ju bekoj me gjithë zemër!”.