2015-11-04 08:57:00

Հայաստանի մէջ ծննդականութիւնը նուազած է 2.5 տոկոսով


ԵՐԵՒԱՆ, «Նիուզ».– Այս տարի Հայաստանի մէջ 2.5 տոկոսով նուազած է ծննդականութեան ցուցանիշը՝ 2015ի առաջին 9 ամիսներուն կազմելով 30 հազար 666 երեխայ: 30 Հոկտեմբերին կայացած մամլոյ ասուլիսին ընթացքին այս տուեալները փոխանցած է Ազգային վիճակագրական ծառայութեան մարդահամարի եւ ժողովրդագրութեան բաժինի պետ Կարինէ Կոյումջեան:
Ըստ անոր՝ նախորդ տարուան նոյն ժամանակաշրջանին հետ բաղդատելով՝ այս տարի 2.5 տոկոսի նահանջ արձանագրուած է, իսկ 2013ի տուեալներուն հետ բաղդատելով՝ 0.6 տոկոսի աճ:
Կարինէ Կոյումջեան նշած է, որ Հայաստանի մէջ իւրաքանչիւր 1000 բնակիչի հաշուով ծնունդներուն թիւը կը կազմէ 13.7 տոկոս: Արարատի մարզին մէջ այս թիւը եղած է 14.4, Արագածոտնի՝ 14.1, Կոտայքի՝ 14.1 տոկոս: Ծննդականութեան բարձրագոյն ցուցանիշը խլած է Երեւանը՝ իւրաքանչիւր 1000 բնակիչի հաշուով 15 ծնունդ: Միւս մարզերուն մէջ միջին հանրապետականէն ցած ծննդականութիւն նկատելի է՝ իւրաքանչիւր 1000 բնակիչի հաշուով շուրջ 10 ծնունդ:
«Հայաստանում բնական յաւելաճը կազմել է 9766 մարդ, դրա ցուցանիշը նոյնպէս 2014թ. համեմատ նուազել է 6.2 տոկոսով», ըսած է Կարինէ Կոյումջեան:








All the contents on this site are copyrighted ©.