Հանդիսաւոր սուրբ պատարագ ս. Յովհաննէս Պօղոս Բ Պապի տօնին առթիւ։

(Ռատիօ Վատիկան) Հինգշաբթի` 22 Հոկտեմբեր 2015 երեկոյեան ժամը 6,30-ին, Հռոմի Սանթա Մարիա Տէլ Փոփոլօ  կոչուած պազիլիքայի մէջ հանդիսաւոր պատարագ կը մատուցուի ս. ՅՊԲ Պապի ծիսական տօնին առթիւ, նախագահութեամբ գերապայծառ Piero Marini-ի` որ երկար տարիներու ընթացքին եղած է երջանկայիշատակ Քահանայապետի արորաղապետը։

Վերոնշեալ ձեռնարկը նախաձեռնութիւնն  է  ''Totus Tuus'' լեհ-իտալական ընկերակցութեան` որուն նպատակն է ճանչցնել ու տարածել Սուրբ ՅՊԲ-ի ուսուցումը։ 22 հոկտեմբերի ծիսական տօնը կը յիշատակէ երջանկայիշատակ ՅՊԲ քահանայապետի մատուցած առաջին սուրբ պատարագը Սուրբ Պետրոսի Գահին վրայ ընտրուելէն մի քանի օրեր ետք` 22 հոկտեմբեր 1978-ին։

Յայտնենք թէ ''Totus Tuus'' Ընկերակցութիւնը հիմնուեցաւ 2015ին, ՅՊԲ-ի ծննդեան 95-րդ տարեդարձը ու անոր մահուան 10-րդ տարեդարձի առթիւ։