Papa Françesku sot paradite gjendet në sheshin e Shën Pjetrit në Vatikan në mesin
e turmës së besimtarëve e shtegtarëve ardhur në Vatikan për audiencën e përgjithshme
të së mërkurës me Atin e Shenjtë. Si çdo të mërkurë automobili papnor është ndalur
shpesh herë për t’i mundësuar Papës Bergoglio –i buzëqeshur dhe i çlodhur – për të
përshëndetur, bekuar e përqafuar fëmijët, të cilët së bashku me prindërit e tyre kanë
ardhur në audiencën e përgjithshme.
Në katekizmin e Audiencës së sotme Papa Françesku vijoi reflektimin e tij mbi rëndësinë
e premtimeve që prindërit u bënë fëmijëve, qysh atëherë kur ata janë menduar në dashuri
e zënë në kraharorin e nënës. “Mund të shtojmë se, nëse shikojmë mirë, i tërë realiteti
familjar është i themeluar mbi premtimin – ta mendojmë mirë këtë: identiteti familjar
është i themeluar mbi premtimin -: mund të thuhet se familja jeton nga premtimi i
dashurisë dhe i besnikërisë që burri e gruaja i bëjnë njëri tjetrit”, pohoi Papa Françesku.
“Dashuria është e lirë, premtimi i familjes është i lirë e kjë është bukuria e një
realitetit të mrekullueshëm. Pa liri nuk mund të ketë miqësi, pa liri nuk ka dashuri,
pa liri nuk ka martesë”. Kështu tha mes tjerash Papa Françesku gjatë katekizmit të
audiencës së përgjithshme mbajtur sot paradite në Sheshin e Shën Pjetrit në Vatikan.
All the contents on this site are copyrighted ©. |