(Ռատիօ Վատիկան) 2014-ի հոկտեմբեր 19-ին, Վատիկանի Սուրբ Պետրոս հրապարակին վրայ, Ֆրանչիսկոս Քահանայապետը երանելիներու շարքին դասեց երջանկայիշատակ Պօղոս Զ քահանայապետը. աւազանի անունով` Ճովաննի Պաթթիսթա Մոնթինի, ծնեալ Պրէշա` 26 սեպտեմբեր 1897-ին։
Պօղոս Զ Քահանայապետը Սուրբ Պետրոսի գահին վրայ բարձրացաւ` 21 յունիս 1963-ին յաջորդելով երջանկայիշատակ Սուրբ Յովհաննէս ԻԳ քահանայապետին ու անորմէ ժառանգելով Վատիկանեան Տիեզերական Բ ժողովի աշխատանքները։ Անոր Քահանայապետութեան առաջին գործը եղաւ արդարեւ` աւարտել Վատիկանեան Տիեզերական Բ Ժողովի գործընթացը։ Ան հանդիսացաւ մեծ բարեկարգիչ ու բարենորոգող եկեղեցական կեանքին ու կառոյցին։ Անոր կը պարտինք ի մէջ այսլոց ''եպիսկոպոսներու սիւնհոդոսի'' ստեղծումը։ Պօղոս Զ-րդ հանդիսացաւ նաեւ առաջին քահանայապետը որ միջազգային ճամբորդութիւններ կատարեց, Իտալիայի սահմաններէն դուրս։
Ան իր մահկանացուն կնքեց 6 օգոստոս 1978-ին Քասթելկանտոլֆոյի ամարանոցին մէջ։ Անոր քահանայապետութիւնը տեւած է 15 տարի։
All the contents on this site are copyrighted ©. |