Սրբուհի Թերեզայի ծնողաց կենսագրականի ներկայացումի մամլոյ ասուլիս

(Ռատիօ Վատիկան)Ուրբաթ, 16 հոկտեմբերին, առաւօտեան ժամը 11.30-ին, Վատիկանի մամլոյ գրասենեակի Յովհաննէս Պօղոս Բ անուան  սրահին մէջ,  տեղի  կ՝ունենայ մամլոյ ասուլիս, որուն ընթացքին կը  ներկայացուի Մանուկ Յիսուսի Սրբուհի Թերեզայի ծնողաց` Երանելի Լուիս եւ Երանելի Զէլի Մարթինի կենսագրականը՝  որոնք յառաջիկայ կիրակի 18 հոկտեմբերին Սուրբ պիտի հռչուակուին Ֆրանչիսկոս Սրբազան Քահանայապետին կողմէ սուրբ Պետրոսի մէջ։

Ֆրանսայի Եպիսկոպոսկոսաց դասին  կողմէ կազմակերպուած մամլոյ ասուլիսին ելոյթ կ՝ունենան  Հայր Օլիվիէր Ռուֆֆրայ՝ Լիզիէօ անուան սրբավայրի տեսուչ։ Հայրը Ժան Մարի Սիմար՝ Սրբուհի Թերեզայի ծնողաց նուիրուած Լուիս եւ Զէլի Մարթին անուան սրբավայրի մեծաւորը, ինչպէս նաեւ  Հայր Անթոնիօ Սանկալլի` դատի խնդրարկու փաստաբանը։