Papa Françesku përfundon sot vizitën e tij apostolike në Kubë me vizitën e qytetit
të tretë të ishullit, Santiago, pas etapës në Havanë e Holguìn, për vijuar pastaj
drejt SHBA-së.
Në qytetin kuban, Santiago, dje në mbrëmje u lut para figurës së Virgjërës së Dashurisë
del Cobre, pajtores qiellore të Kubës. E sot pikërisht në Bazilikën e kësaj Shenjtërore,
në periferi të qytetit, Papa kremton Meshën në ora 08.00 lokale (14.00) evropiane.
Në ora 11.00 lokale ( 17.00 evropiane) Papa takon familjet në Katedralen e Zojës së
Madhe. Në mbarim të këtij takimi, para Katedrales Papa do të bekojë qytetin.
Kështu në ora 12.30 lokale (18.30 evropiane) Ati i Shenjtë Bergoglio do të përshëndet
Kubën për t’u nisur drejt SHBA-së. Avioni i Papës do të mbërrijë në Uashington rreth
orës 16.00 lokale (22.00 evropiane) në bazën ushtarake Andrews, ku do të pritet nga
Presidenti Barack Obama e bashkëshortja e tij Michelle.
Në SHBA-së, përveç Uashingtonit Papa do të vizitojë nesër Shtëpinë e Bardhë dhe të
enjten Kongresin amerikan. Ati i Shenjtë Françesku do të shkojë edhe në Nju Jork,
ku do të flasë në asamblenë e përgjithshme të OKB-së, e pastaj në Filadelfia për Takimin
e VIII Botëror të Familjeve.
Po kujtojmë se ky takim botëror filloi punimet pikërisht sot me kremtime, lutje, diskutime
e aktivitete tjera që do të zgjasin deri të dielën kur Takimi Botëror i Familjeve
do të mbyllet në praninë e Papës.
All the contents on this site are copyrighted ©. |