Ֆրանչիսկոս Պապ կ՛այցելէ Քուպայի Հոլկինի թեմը եւ կ՛ուղղուի Սանթիակօ։

(Ռատիօ Վատիկան) Երկուշաբթի` 21 սեպտեմբեր 2015-ի առաւօտեան ժամը 7,20 անց (Հռոմի ժամով 13,20-ին), Ֆրանչիսկոս Պապը հրաժեշտ կ՛առնէ Լա Հապանայի առաքելական նու իրակութենէն եւ կ՛ուղղուի Լա Հապանայի օդակայան որտեղէն կը մեկնի դէպի Հոլկին քաղաք` ոը Քուպայի ամենամեծ երրորդ քաղաքը  նկատուած է իր 1,5 միլիոն բնակչութեամբ։ Հոլկինի հիմնադիրը եղած է սպանացի աշխարհակալ Կարսիա Հոլկին (1454-ին)։

Հոլկին ժամանումին Նորին Սրբութիւնը կը դիմաւորէ տեղական թեմի առաջնորդ` գերապայծառ Էմիլիօ Արանկուրէն Էջեվերրիա ու քաղաքական եւ եկեղեցական այլ անձնաւորութիւններ ու հաւացեալներու բազմութիւն մը.

Ֆրանչիսկոս Պապ ու իրեն ընկերացող շքախումբը Հոլկինի օդակայանէն կ՛ուղղուին դէպի Հոլկինի յեղափոխութեան անուան հրապարակ` ուր ժամը 10,30-ին (Հռոմի ժամով 16,30-ին) Ֆրանչիսկոս Պապը կը հանդիսապետէ բացօթեայ սուրբ պատարագի արարողութիւնը որուն ընթացքին կ՛ուղղէ նաեւ յաւուր պատշաճի քարոզը։

Սրբազան արարողութեան աւարտին Ֆրանչիսկոս Պապը կ՛ուղղուի Հոլկինի առաջնորդարան ուր կը մասնակցի իրեն ի պատիւ սարքուած սիրոյ սեղանին։

Յետմիջօրէի յայտագիրը սկիզբ կ՛առնէ ժամը 15,30-ին (Հռոմի ժամով 21,30ին)։ Ֆրանչիսկոս  Պապը հրաժեշտ առնելով Հոլկինի առաջնորդարանէն կ՛ուղղուի Հոլկինի ''Լա Լոմա Տէ Լա Քրուզ'' անուամբ բլուրը` որտեղէն կ՛օրհնէ Հոլկին քաղաքը, հուսկ կ՛ուղղուի Հոլկինի օդակայան եւ Ալիթալիայի  թռիչքով կը մեկնի դէպի Քուպայի առաքելական ճամբորդութեան երրորդ եւ վերջին հանգրուան` Սանթիակօ Տէ Քուպա։

 50 վայրկեան տեւող ճամբորդութեան աւարտին`տեղական ժամով 17,30-ին (Հռոմ 23,30) Սրբազան Քահանայապետը կը ժամանէ Սանթիակօ Տէ Քուպայի ''Անթոնիօ Մաչէօ'' օդակայան ուր զինք կը դիմաւորեն  տեղական իշխանութիւններու ներկայացուցիչները։

Ֆրանչիսկոս Պապ ապա ինքնաշարժով կ՛ուղղուի Սանթիակոյի Մեծն Սուրբ Բարսեղի նորընծայարան որ կը հանդիսանայ նաեւ առաքելական ճամբորդութեան Սանթիակոյի  Քահանայապետական բնակավայր։

Երեկոյեան 19-ին (Հռոմի ժամով 22 սեպտեմբերի առաւօտեան 1-ին) Մեծն Սուրբ Բարսեղի նորընծայարանին մէջ Սրբազան Հայրը հանդիպում կ՛ունենայ Քուպայի  եպիսկոպոսներուն հետ որուն աւարտին անոնց հետ միասին կ՛ուղղուի` Նորընծայարանէն 300 մեթր հեռաւորութեան վրայ գտնուող ''Վիրկէն տէ լա քարիտատ'' Քոպրէի Մարեմեան ազգային սրբավայր ուր կը դիմաւորուի Սրբավայրի Րէկտորի կողմէ եւ մուտք գործելով Սրբավայրի մատուռ, Աստուածամօր սրբապատկերին առջեւ ծնկադրելով` Աստուածամօր նուիրուած աղօթքը կ՛արտասանէ եւ այս աղօթքով կ՛եզրափակէ Քուպայի առաքելական ճամբորդութեան երրորդ օրուայ յայտագիրը։