(Ռատիօ Վատիկան) Սանթիակօ Տէ Քուպան որ կը հանդիսանայ Ֆրանչիսկոս Պապին Քուպայի առաքելական ճամբորդութեան վերջին հանգրուանը, համարուած է Քուպայի երկրորդ կարեւորագոյն քաղաքը Լա Հապանայէն ետք։
Անոր բնակչութեան թիւն է 400,000։Հիմնուած է 1514-ին, Տիէկօ Վէլազգէցի կողմէ, եւ եղած է Քուպայի մայրաքաղաք 1515 – 1607 թուականներուն։
Մանթիակօ Տէ Քուպայի մէջ հռչակաւոր է Տիրամօր նուիրուած Վերափոխման տաճարը որ կառուցուած է 1520-ին։ Նշենք, թէ Սանթիակօ Տէ Քուպա կը պատրաստուի նշելու քաղաքին հիմնարկութեան յոբելենական 500-րդ ամեակը։
Սանթիակօ Տէ Քուպայի թեմը։
Սանթիակօ Տէ Քուպայի թեմը հաստատուած է է 28 ապրիլ 1522-ին ։Կաթողիկէ հաւատացեալներուն թիւն է 254,300։
Ունի 16 ժողովրդապետութիւններ, 22 եկեղեցիներ, 15 թեմական քահանաներ, 34 կրօնաւորուհիներ։
Թեմը ունի նաեւ դպրեվանք մը Սան Պազիլիօ Մանիօ անուան, հիմնուած է 1722-ին ու նկատուած է քաղաքին ամենէն հին կրդական վայրը։
All the contents on this site are copyrighted ©. |