Ֆրանչիսկոս Պապ Քուպայի մէջ

(Ռատիօ Վատիկան) Ֆրանչիսկոս Սրբազան Քահանայապետ Քուպա կատարած առաքելական ճամբորդութեամբ, կը հանդիսանայ 3-րդ քահանայապետը որ կ՝այցելէ Քուպան։ Առաջին քահանայապետը, որ այցելած է կղզին, եղած է  Սուրբ Յովհաննէս Պօղոս Բ Քահանայապետը՝ 21-26 յունուար 1998-ին.  ապա՝  Պենետիկտոս ԺԶ Պապը՝ 26-29 մարտ 2012-ին։

Ֆրանչիսկոս Պապի Քուպա կատարած առաքելական ճամբորդութեան բնաբանն է ՝՝Ողորմութեան Առաքեալ», որ յստակ կերպով առնչուած է Ողորմութեան Սուրբ Տարուան հետ՝ հաստատուած Ֆրանչիսկոս Պապի կողմէ, որ սկիզբ կ՝առնէ յառաջիկայ 8 դեկտեմբեր 2015-ին։

 

Լա Հապանա մայրաքաղաքն ու թեմը

Քուպայի մայրաքաղաքն է Լա Հապանան։  Հիմնուած է 1514ին, Տիէկօ Վէլաքուէզի կողմէ։ Լա Հապանան հռչակաւոր է իր նաւահանգիստով։ Սպանական տիրապետութեան շրջանին ան  հանդիսացած է հարաւային Ամերիկայի կարեւորագոյն նաւահանգիստը։ Լա Հապանան մայրաքաղաք նշանակուած է 1607-ին, անոր բնակչութեան թիւը կը հաշուէ երկու միլիոն։

Լա Հապանայի Սուրբ Քրիսթոպալի Թեմը։

Լա Հապանայի թեմը հիմնուած է 10 սեպտեմբեր 1787-ին։ Կաթողիկէ հաւատացեալներուն թիւն է 2,822,000։ Ունի 85 ժողովրդապետութիւններ, 51 քահանաներ, 78 կրօնաւոր քահանաներ եւ 185 կրօնաւորուհիներ։

Թեմին արքեպիսկոպոսն է Կարդինալ Ժէյմ Լուքաս Օրթանօ ի Ալամինօ։ Ան կարդինալ անուանուած է Սուրբ Յովհաննէս Պօղոս Բ Քահանայապետի կողմէ16 նոյեմբեր 1994ին։