Քուպա. Ընդհանուր ներում 3500 բանտարկեալներուն Ֆրանչիսկոս Պապին այցելութեան առթիւ։

(Ռատիօ Վատիկան) Քուպայի նախագահ` Ռաուլ Քասթրօ, ներում շնորհած է 3500 կալանաւորներուն , ֆրանչիսկոս Քահանայապետին Քարայիպեան կղզիին տալիք այցելութեան առթիւ։

Այս մասին կը տեղեկացնէ համայնավար կուսակցութեան պաշտօնական մամուլը, մատնանշելով որ նախարարներու խորհուրդը այս վճիռը որդեգրած է ֆրանչիսկոս Քահանայապետին Քուպա այցելութեան առթիւ (19-23 Սեպտեմբեր 2015)։

Նշենք որ Յովհաննէս Պօղոս Բ-ի, 1998-ին,  Կղզիին տուած այցելութեան առթիւ ներում շնորհուած էր 200 բանտարկեալներուն։ Իսկ Պենետիկտոս ԺԶ այցելութեան առթիւ (Մարտ 2012-ին) 400 կալանաւորներ եւս ներում ստացած են։