Թուրքիոյ «Պիլկի մերքեզի» հետազօտական եւ հրատարակչական ընկերութեան սեփականատէրեր Մուրատ Ռումեւլեքլիօղլու, Մուրատ Պիչեր եւ թարգմանիչ Եաւուզ Այտըն այցելած են Պոլսոյ Հայոց պատրիարքական փոխանորդ Արամ Աթէշեանին:
Վկայակոչելով թրքական «Beyazgazete.com» լրատուական կայքը՝ Ermenihaber.am կը նշէ, թէ այցի ընթացքին անոնք պատրիարքարանին նուիրած են Թուրքիոյ կրօնական հարցերով նախարարութեան աջաակցութեամբ հայերէնի թարգմանուած Քուրանի 1000 օրինակ, որոնց 500ը՝ արեւելահայերէնով, 500ը՝ արեւմտահայերէնով:
Պոլսոյ Հայոց պատրիարքական փոխանորդ Արամ Աթէշեան շնորհակալութիւն յայտնած է այցին համար եւ նշած, որ մինչ այժմ Քուրանի որեւէ պիտանի հայերէն թարգմանութիւն չէ եղած, չնայած, որ թարգմանելու քանի մը փորձ նախապէս ալ եղած է:
«Թրքերէն չիմացող յոյնը, հր-եան կամ հայը պէտք է կարդան Քուրանը, ընկալելու այդ մշակոյթը: Ըմբռնելու այնտեղ եղած արժէքաւոր խօսքերը: Պէտք է ճանչնայ Մուհամետ մարգարէն: Նոյն կերպ Աստուածաշունչը թարգմանուած է աշխարհի տարբեր լեզուներով եւ կը կարդացուի իւրաքանչիւր հասարակութեան կողմէ: Ես մէկական օրինակ պիտի ուղարկեմ բոլոր եկեղեցիներուն, բոլորը պիտի ունենան զայն, ժողովուրդէն փափաքողներուն եւս պիտի բաժնեմ», ըսած է պատրիարքի փոխանորդը:
Ըստ աղբիւրին՝ ընդհանուր առմամբ հրատարակուած է հայերէն Քուրանի 5000 օրինակ, սակայն նպատակ կայ այդ թիւը հասցնելու 300,000ի:
All the contents on this site are copyrighted ©. |