''Սուրիոյ քրիստոնեաներու ողբերգութիւնը վերջ չունի'' կ՛ըսէ գերապայծառ Նասսար։
(Ռատիօ Վատիկան) Դամասկոսի մարոնիներու առաջնորդ Սամիր Նասար յայտարարած է թէ` ''Սուրիոյ քրիստոնեաներու ողբերգութիւնը վերջ չունի, եկեղեցիները թիրախ են հակա-Ասատի ընդդիմութեան, որոնք ռմբակոծած են Դամասկոսի մարոնի եկեղեցին''։
Գերապայծառ Սամիր Նասար` Դամասկոսի մարոնի թեմին առաջնորդը, մատնանշած է ապա թէ տեղատարափ ռմբակոծումը պատճառած է ինը անմեղներու մահը ու վիրաւորած աւելի քան 50 քաղաքացիներ։ Վնասուած է իր եկեղեցին ու անոր մօտակայ լատինաց ժողովրդապետութիւնը։ Այս ցաւալի եղելութիւնը անբաժան մէկ մասն է Սուրիոյ պատերազմին։ Ռմբակոծումները աննախատեսելի են ու անխտրաբար կը հարուածեն բոլոր քաղաքացիները։
| All the contents on this site are copyrighted ©. |