Խաչիկ Սարկաւագ Գույումճեանի քահանայական ձեռնադրութիւնը

Տանն Կիլիկիոյ Կաթողիկէ Հայոց Ամենապատիւ եւ Գերերջանիկ Տէր Տէր Գրիգոր Պետրոս Ի. Կաթողիկոս Պատրիարքի բարձր հովանաւորութեամբ

Շաբաթ, 22 օգոստոս 2015-ին, երեկոյեան ժամը 6.00ին, Պուրճ Համմուտի Սուրբ Փրկիչ Եկեղեցւոյ մէջ, տեղի կ՝ունենայ Խաչիկ Սրկ. Գույումճեանի կուսակրօն քահանայական ձեռնադրութեան արարողութիւնը, ձեռամբ Ամենապատիւ եւ Գերերջանիկ հոգեւոր Տիրոջ։

Նորօծ վարդապետը իր անդրանիկ Սուրբ Պատարագը պիտի մատուցանէ կիրակի 23 օգոստոս 2015-ին, ժամը 10.00ին Սուրբ Փրկիչ Եկեղեցւոյ մէջ։

Վատիկանի Ռատիօ կայանի հայկական բաժնի խմբագրական կազմը կը շնորհաւորէ նորօծ քահանան, մաղթելով իրեն Աստուծոյ առատ շնորհքները իր հոգեւոր եւ ազգային ծառայութեան մէջ եւ բեղուն գործունէութիւն ի փառս Աստուծոյ եւ ի պայծառութիւն Եկեղեցւոյ։