Больш за 11 тон прадуктаў харчавання было сабрана валанцёрамі міланскага аддзялення “Caritas” на Сусветнай выставе “ЕХРО 2015”. Ініцыятыва з’яўляецца часткай кампаніі супраць марнавання ежы. Прадукты з супермаркета, размешчанага на тэрыторыі экспазіцыйнага цэнтру, у якіх мінае тэрмін захоўвання, і якія маглі б апынуцца ў сметніку, збіраюцца дабраахвотнікамі дабрачыннай арганізацыі. Іншыя, прадстаўленыя на выставе асобы і фірмы, таксама прымяюць удзел у зборы харчавання.
З сабраных прадуктаў каля 40 павароў гатуюць высокаякасную ежу, якая распаўсюджваецца праз сталоўкі “Caritas” і іншыя дабрачынныя структуры Міланскай архідыяцэзіі.
“Барацьба з марнатраўствам можа стаць спадчынай “ЕХРО”, - так пракаментаваў акцыю Лучана Гуалецы, намеснік дырэктара міланскай “Caritas” і прадстаўнік гэтай арганізацыі на Сусветнай выставе.
All the contents on this site are copyrighted ©. |