(Ռատիօ Վատիկան) Պանկքոքի Էրաքան անուան սրբավայրի մօտ տեղի ունեցած ահաբեկչական
գործողութեան ի լուր, որուն զոհ գացած են 20 հոգիներ եւ պատճառած է անթիւ վիրաւորներ,
Վատիկանի Պետական քարտուղար Կարդինալ Փարոլին, յանուն Ֆրանչիսկոս Պապի, չորեքշաբթի,
19 օգոստոսին , ցաւակցական պատգամ յղեց, Թայլանտի թագաւոր Պհումիոլ Ատուլյատաէի, որուն
մէջ գրած է , թէ Ֆրանչիսկոս Քահանայապետը քաջ գիտակից է Թայլանտի պետութեան տածած աշխատանքներուն՝
ահաբեկչական գործողութեան պատասխանատուները գտնելու համար, յայտնած է Նորին Սրբութեան
անկեղծ մօտիկութիւնը բոլոր անոնց հանդէպ որոնք խորապէս վնասուած են ահաբեկչական գործողութենէն։
Կարինդալ Փարոլին, պատգամը աւարտած է ապահովուելով Սրբազան Հօր աղօթքը
զոհերու հոգիներուն համար, եւ փոխանցելով Ֆրանչիսկոս Պապի օրհնութիւնները վիրաւորներուն
եւ մեռեալներուն ընտանեկան պարագաներուն։
All the contents on this site are copyrighted ©. |