Nigeri: Boko Haram sulmon fshatrat e veriut, 150 viktima

Dhuna xhihadiste kthehet në Nigeri. Rreth 150 vetë u mbytën e u vranë gjatë ikjes nga fshati i tyre, ndërsa sulmohej nga milicët e grupit integralist islamik Boko Haram. Në vendin afrikan pritet me padurim ardhja e Forcës së ndërhyrjes shumëkombëshe të bashkuar (Mnjtf), përbërë nga vendet e rajonit.

         Të enjten e kaluar (por u mor vesh vetëm sot) dhjetra milicë të Boko Haramit mbërritën në fshatin e krishterë verior, Gari-kukuwa, në shtetin e Jobes, me motorë e makina, duke shkaktuar panik. Pastaj hapën zjarr, duke vrarë njerëz e duke i shtyrë të tjerët drejt lumit të fryrë për shkak të shirave. Dëshmitarët tregojnë se xhihadistët qëlluan edhe kundër një peshkatari, që po i ndihmonte njerëzit të mos mbyteshin. Sipas qeverisë viktimat janë rreth 50 vetë, por të mbijetuarit flasin për 150. Pas pak ditësh do të ndërhyjnë në zonë 8700 ushtarët e Forcës shumëkombëshe të përbërë nga vetë Nigeria, pastaj Nigeri, Çadi, Kameruni dhe Benini. Kontingjenti antixhihadist duhet të ishte disllokuar aty që në fund të korrikut.