(Ռատիօ Վատիկան) Շաբաթ, 15 օգոստոս 2015-ին,Ֆրանսայի Սթրազպուրկ քաղաքին մէջ կը նշուի քաղաքի Մայր տաճարի կառուցման առաջին քարին զետեղման հազար ամեակը ։
Այս առթիւ կազմակերպուած, յոբելենական հանդիսութիւններուն ներկայ կը գտնուի Ֆրանչիսկոս Սրբազան Քահանայապետի յատուկ ներկայացուցիչ, Քահանայապետական Մշակոյթի խորհուրդի երբեմնի նախագահ՝ Կարդինալ Փոլ Փուփարտ։
Սթրազպուրկի Մայր տաճարը ձօնուած է Տիրամօր։ Անոր կառուցման աշխատանքները սկսած են 1015-ին, եւ վերջ գտած են 1439-ին։ Կառուցման երկար տարիներու տեւողութեան պատճառներէն մին է, տաճարին արուեստական ձեւակերպի փոփոխութիւններու ենթարկութիւնը։
Սթրազպուրկի Տիրամօր տաճարը , տարածաշրջանին մէջ հանդիսացած է որպէս նմոյշ, զանազան քաղաքներու մէջ, նպմանատիպ տաճարներու կառուցումին։
All the contents on this site are copyrighted ©. |