(Ռատիօ Վատիկան) Հինգշաբթի, 15 յուլիսին, ծերունի կղերական հայր Լուիս Ալֆօնսօ Լէոն Փէրէյրան, Քոլոմպիայի Մոնթէյրա շրջանի ժողովրդապետութեան եկեղեցւոյ աւանդատան մէջ բարբարոսաբար սպաննուած է մինչ կը պատրաստուէր Սուրբ Պատարագ մատուցանելու։
Ոճրագործութեան եւ անմարդկային արարքին հեղինակն է անտուն եւ թափառաշրջիկ աւազակ մը մինչ՝ ժողովրդապետութեան եկեղեցւոյ մէջ կը փորձէր գողութիւն կատարել։ Ծերունի վարդապետը գողութեան արարքին ականատես ըլլալու պատճառով, գող աւազակը ապակիէ շիշով մը մահացու յարուած տուած է վարդապետին դէմքին զայն մատնելով անշարժութեան։ ։Ոճրագործութենէն ետք գող աւազակը փորձած է փախչիլ սակայն՝ շրջանի բնակիչներու կողմէ ձերբակալուած է եւ յանձնուած տեղական ոստիկանութեան։
Մոնթէրիայի թեմի եպիսկոպոս Գերապայծառ Տամոն Ալպէրթօ, կղերականին անմարդկային սպանութեան առթիւ բոլոր թեմին մէջ հռչակած է երրօրեայ սուգի օր, որոնց ընթացքին ժողովրդապետութիւններուն մէջ հանգուցեալ վարդապետին դիտաւորութեան աղօթք եւ Սուրբ Պատարագ պիտի մատուցուին։
Հայր Ալֆոնսօ քահանայ ձեռնադրուելէ ետք առաքելութեամբ ժամանած է Մոնթէյրա 1968ին, ուր անձնուիրութեամբ ծառայած է թեմի հաւատացեալներուն։
All the contents on this site are copyrighted ©. |