Ֆրանչիսկոս Պապ Պոլիվիայի պաշտպան Սրբուհիին կը յանձնէ իրեն շնորհուած շքանշանները։
(Ռատիօ Վատիկան) Նորին Սրբութիւնը Copacabana-ի Ս. Կոյս Մարիամին, (Պոլիվիայի պաշտպան սրբուհիին) նուիրեց նախագահ Մորալեսէն ստացած երկու պատուոյ շքանշանները։
Արարողութիւնը տեղի ունեցաւ, ուրբաթ օրը (10 յուլիսին), առանձնական մատրան մէջ մատուցած պատարագին ընթացքին։
Սրբազան Հայրը մեծապէս գնահատած է նախագահ Մորալեսին նախաձեռնութիւնը, իրեն շնորհելու բարձրաստիճան երկու շքանշանները։
Սուրբ Զոհին ընթացքին Ֆրանչիսկոս Պապը լռելային աղօթք մը կատարեց Աստուածամօր առջեւ, խնդրելով որ օրհնէ Պոլիվիայի ժողովուրդը ու իր հաւատքին մէջ ամուր հաստատէ զանոնք։
Փրկչին Մայր ու մեր մայրը, Պոլիվիայի Թագուհի, մայրական հայեացքդ ուղղէ Պոլիվիայի բնակիչներուն վրայ, ու լիացուր զանոնք քու շնորհքներովդ - աղօթեց Ֆրանչիսկոս Պապը։
| All the contents on this site are copyrighted ©. |