(Ռատիօ Վատիկան) ''Եպիսկոպոս մը որ ուրախութեամբ եւ իմաստութեամբ ծառայեց աւետարանին եւ կամապաշտօրէն սիրեց եկեղեցին'' այսպէս գրեց Ֆրանչիսկոս Պապը, Պոլոնիա Թեմի երբեմնի Արքեպիսկոպոս` Կարդինալ Ճաքոմօ Պիֆֆիի մահուան ի լուր յղած ցաւակցական հեռագիրին մէջ։
87 ամեայ կարդինալը իր մահկանացուն կնքեց ուրբաթ` 10 յուլիսի գիշերը։
Քսան տարիներու ընթացքին ան եղաւ Պոլոնիա Թեմի ''իմաստուն եւ ուշադիր առաջնորդը'' գրեց Ֆրանչիսկոս Պապը յիշելով անոր ''անխոնջ ծառայութիւնը'' բազմաթիւ սերունդներու քրիստոնէական եւ մարդկային կազմաւորումին ի սպաս, դաստիարակութեան եւ զանազան հրատարակութիւններու միջոցաւ։
Կարդինալը ծնած էր Միլանօ 13 յունիս 1928-ին։ 23 Դեկտեմբեր 1950 քահանայ ձեռնադրուած։ 7 դեկտեմբեր 1975-ին նշանակուած Միլանօ թեմի օգնական եպիսկոպոս որտեղ ապա ստացաւ եպիսկոպոսական օծումը` 11 յունուար 1976-ին։ 19 ապրիլ 1984-ին նշանակուեցաւ Պոնոլիա թեմի Արքեպիսկոպոսական աթոռի առաջնորդ մինչեւ 16 դեկտեմբեր 2003-ը։ Կարդինալ ստեղծուած է Սուրբ Յովհաննէս Պօղոս Բ-ի օրով` 25 մայիս 1985-ին։
Կարդինալ Պիֆֆիի մահով կարդինալական դասը այժմ կազմուած է 221 կարդինալներէ` 120-ը քահանայապետ ընտրելու իրաւունքով կարդինալներ մինչ 101-ը` ոչ ընտրող։
All the contents on this site are copyrighted ©. |