2015-07-03 09:22:00

Պենետիտկոս ԺԶ Քահանայապետին պատուոյ երկու վկայագիրեր։


(Ռատիօ Վատիկան) Շաբաթ`  4 յուլիսի առաւօտեան Քասթելկանտոլֆոյի քահանայապետական ամառնային պալատին մէջ, Քրաքովիայի Յովհաննէս Պօղոս Բ Քահանայապետական համալսարանը եւ Քրաքովիայի երաժշտական ակադեմիան` Պենետիկտոս ԺԶ վաստակաւոր քահանայապետին պիտի շնորհեն պատուոյ երկու վկայագիրեր։ Յայտնենք որ վաստակաւոր Քահանայապետը քահանայապետական ամառնային պալատ փոխադրուեցաւ անցեալ 30 յունիսին եւ այնտեղ պիտի մնայ մինչեւ 14 յուլիս 2015։

Նորին Սրբութեան վերոյիշեալ վկայագիրերը պիտի յանձնէ Քրաքովիայի Արքեպիսկոպոս եւ երջանկայիշատակ Սուրբ Յովհաննէս Պօղոս Բ-ի երբեմնի անձնական քարտուղար` Կարդինալ Սթանիզլաւ Ճիվիչը։ Նշենք ապա թէ վերոյիշեալ քահանայապետական համալսարանը ստեղծուեցաւ Պենետիկտոս ԺԶ կողմէ` 19 յունիս 2009-ին։








All the contents on this site are copyrighted ©.