(Ռատիօ Վատիկան) Առաքելական Աթոռը եւ ԱՄՆը բարեկամութեան ու համագործակցութեան իրենց կապերը աւելի ամրապնդեցին, կը գրէ գերապայծառ Gallagher, Ս. Աթոռի արտգործ նախարարը , Օսսերվաթորէ Ռոմանօ`Վատիկանի օրաթերթին մէջ։ Համաձայնագիրը, առաջինը իր տեսակին մէջ, երկու պետութիւններու միջեւ, ունի որպէս նպատակ դիւրացնել հաշիւ ունեցող ամերիկացիներուն տուրքերու գործադրումի քննութիւնը։ Հետեւաբար կը գրէ Վատիկանի դիւանագէտը այդ համաձայնագրով ի յայտ կը դրուի Առաքելական Աթոռի յանձնառումը ու կամքը յարգելու տնտեսական ու ֆինանսական միջազգային օրէնքը ու ամրացնելու միջազգային համագործակցութիւնը։ Նշենք որ Առաքելական Աթոռը, մէկ Ապրիլ 2015-ին, կնքեց նման համաձայնագիր մը Իտալիոյ հետ։
Յայտնենք նաեւ որ Ս. Աթոռը 7 Մայիս 2013-ին դրամի լուացումի դէմ, միջազգային ֆինանսական իշխանութեան հետ ստորագրեց համաձայնագիր մը հայող՝ ֆինանսական տեղեկութիւններու փոխանակումին։ Մաղթանքս է, կ’եզրափակէ Ս. Աթոռի դիւանագէտ` գերապայծառ Gallagher, որ այս համաձայնութիւնը ծառայէ ոչ միայն աւելի ամրապնդելու բարի կապերը Ս. Աթոռի եւ ԱՄՆի միջեւ այլ եւ ըլլայ արդարամտութեան ու թափանցիկութեան օրինակ` տնտեսական ու ֆինանսական ասպարէզներէն ներս։
All the contents on this site are copyrighted ©. |