10 Յունիսին Ֆրանչիսկոս Պապը կ՛ընդունի Նախագահ Փութինը։

(Ռատիօ Վատիկան) Սուրբ Աթոռի մամլոյ գրասենեակի տնօրէն` Յիսուսեան Հայր Ֆետերիքօ Լոմպարտին, հինգշաբթի 4 յունիսին հաստատեց թէ յառաջիկայ չորեքշաբթի` 10 յունիս 2015-ի յետմիջօրէին, Ֆրանչիսկոս Սրբազան Քահանայապետը ունկնդրութիւն պիտի շնորհէ Ռուսիոյ դաշնութեան նախագահ` Տիար Վլատիմիր Փութինին։

Յայտնենք որ Նորին Սրբութիւնը 25 նոյեմբեր 2013-ին եւս ունկնդրութիւն շնորհած էր Ռուսաստանի նախագահին որ յառաջիկայ օրերուն Իտալիա կը ժամանէ Միլանի ԷՔՍՓՕ 2015-ի տօնավաճառը այցելելու համար եւ հանդիպումներ ունենալու Իտալիոյ հանրապետութեան նախագահ` Տիար Սերճօ Մաթթարելլային հետ եւ Իտալիոյ վարչապետ Տիար Մաթթէօ Ռենցիին հետ։