ֆրանչիսկոս Պապին ''բնապահպանութեան'' մասին շրջաբերականը լոյս կը տեսնէ18 յունիսին։

(Ռատիօ Վատիկան) Սուրբ Աթոռի հրատարակած հաղորդագրութիւն մը տեղեկացուց թէ յառաջիկայ 18 Յունիս 2015-ին, լոյս կը տեսնէ ֆրանչիսկոս Սրբազան Քահանայապետին ''Գովեալ ըլլաս'' վերտառութեամբ, ''մարդկային բնապահպանումի''  հայող երկարաշունչ շրջաբերական թուղթը։

Վարդապետական բնագիրին տիտղոսը քաղուած է սուրբ ֆրանչիսկոս Ասիզացիի (1182-1226) ''Արարածներու երգը'' աշխարհահռչակ տաղէն, յօրինուած 1225-ին, անոր մահէն մէկ տարի առաջ։ Բնականաբար շրջաբերական թուղթը կը ներփակէ ենթատիտղոս մը հրաւիրելու մարդիկը պաշտպանելու արարչագործութիւնը։