Ֆրանչիսկոս Պապին 2 յունիսի գործունէութիւնը։

(Ռատիօ Վատիկան) Երեքշաբթի` 2 Յունիս 2015-ին Ֆրանչիսկոս Սրբազան Քահանայապետը իր գրասենեակին մէջ յաջորդաբար ընդունեց Հռոմի թեմի տեղապահ արքեպիսկոպոսը` Կարդինալ Ակոսթինօ Վալլինին, Չիլէի մօտ առաքելական նուիրակ գերապայծառ Իվօ Սքափոլօ եւ Մարոքի մօտ առաքելական նուիրակ գերապայծառ Անթոնիօ Սոցցօ, ապա  ժամը 12-ին ունկնդրութիւն կը շնորհէ Քարիթաս Ինթերնացիոնալիսի ընդհանուր քարտուղար Տիար Միշել Ռոյին։

Յայտնենք թէ Ֆրանչիսկոս Պապը հինգշաբթի 4 յունիսին` Յիսուսի Մարմնոյ Եւ Արեան տօնին առթիւ պիտի նախագահէ Հռոմի Սան Ճովաննի Ին Լաթերանոյէն մինչեւ Սանթա Մարիա Մաճճորէ տանող Սուրբ Հաղորդութեան թափօրը իսկ շաբաթ` 6 Յունիսին, միօրեայ առաքելական ճամբորդութիւն պիտի կատարէ դէպի Սարայեվօ որպէս Խաղաղութեան եւ երկխօսութեան պատգամաւոր։ Ուրբաթ 5 յունիսին Սրբազան Հայրը կ՛ընդունի Չիլէի նախագահը Տիար Միշել Պաշլէ Երիան ու Կիրակի` 7 յունիսին, կ՛ընդունի Վենեզուելլայի նախագահ` Տիար Նիքոլաս Մատուրօ Մորոս ու ապա Արժանթինի նախագահ Տիկ Քրիստինա Ֆերնանտէզ Տէ Քիրչները։