Fund javën që kaloi, më 30 e 31 maj, me shtegtime, kremtime liturgjike e procesione të përshpirtshme, përfundoi muaji maj, të cilin, Kisha katolike ia kushton nderimit të Virgjërës Mari. Kështu edhe në dioqeza shqiptare e Sapës, organizoi një shtegtim të besimtarëve, në nivelin dioqezan, në Kishën ‘Lindja e Zojës’ në Dejë.
Të shkosh në shtegtim do të thotë të orientohesh në një drejtim të qartë, të ecësh
drejt cakut të vërtetë e përfundimtar të ekzistencës. Pra, sot nuk është e mjaftueshme
të jemi e të mendojmë në një farë mënyre si të gjithë tjerët. Projekti i jetës sonë
njerëzore shkon më tej, në Hyjin. Ne kemi nevojë për Zotin, për atë Zot që na ka zbuluar
e treguar fytyrën dhe hapur zemrën e vet në Jezu Krishtin.
Vetëm Ai është Hyj e për këtë vetëm Ai është ura, që vë në kontakt të menjëhershëm
Hyjin e njeriun. Po t’i kthehemi shtegtimit të besimtarëve të dioqezës së
Sapës në Kishën e Lindjes së Marisë në Dejë e të ndjekim shërbimin e Violeta Marashit...
All the contents on this site are copyrighted ©. |