Դրոշմաթուղթի նոր արտակի ներկայացում

(Ռատիօ Վատիկան) Երկուշաբթի 11 մայիսի առաւօտեան ժամը 11-ին,Ս. Աթոռի մամլոյ գրասենեակին մէջ` տեղի ունեցաւ դրոշմաթուղթի նոր արտակի ներկայացումը, իտալական ծովագունդի մարմնի ստեղծումի 150-րդ տարեդարձին եւ Ֆրանչիսկոս Պապին` 2013-ին Լամփետուզա կղզի կատարած ճամբորդութեան յիշատակի առթիւ, առ ի երախտագիտութիւն իտալական ծովագունդի մարմնի յանձնառումին ի սպաս գաղթականներու ազատագրումին։

Հրատարակուած դրոշմաթուղթի ներկայացումը կատարեցին ''Mauro Olivieri'' Վատիկանեան դրոշմաթուղթի գրասենեակի պետը եւ իտալական ծովագունդի մարմնի գնդապետ ''Filippo Marini''։ Դրոշմաթուղթի վաճառքէն եկած հասոյթը լրիւ պիտի շնորհուի ֆրանչիսկոս Քահանայապետին, գաղթականներուն  բարեսիրական օգնութիւններ ապահովելու համար։