Велікодная літургія прайшла на галоўнай ватыканскай плошчы

5 красавіка 2015 г. папа Францішак узначаліў Велікодную св. Імшу ў Ватыкане. Тысячы вернікаў яшчэ задоўга да пачатку літургіі запоўнілі не толькі ўпрыгожаную кветкамі плошчу св. Пятра, але і блізкія да яе вуліцы. Радаснаму святочнаму настрою нават не перашкодзіла дадждлівае і халоднае надвор’е.

Святы Айцец не прамаўляў гаміліі, паколькі адразу пасля заканчэння Эўхарыстыі, з балкону ватыканскай базылікі, прагучала яго пасланне. Падчас св. Імшы былі прамоўлены малітвы на розных мовах і ў розных інтэнцыях. Адна з іх прагучала на рускай мове: за народы падзеленыя ўзброеннымі канфліктамі. Пасля літургіі Францішак праехаў некалькі разоў вакол плошчы св. Пятра на папамабіле, каб прывітаць як мага большую колькасць вернікаў.