(Ռատիօ Վատիկան) Ամէն տարի Աւագ Ուրբաթ օրուան առթիւ աշխարհի բոլոր ժողովրդապետութիւններու մէջ տեղի կ’ունենայ դրամահաւաք ի նպաստ ս. Երկրի հասարակութիւններուն. Բարեպատեհ առիթ մը գօտեպնդելու կապը աշխարհի բոլոր քրիստոնեաներու միջեւ։
Քրիստոնեաները այդ հողին վրայ կ’ապրին խաչի խորհուրդը, աղօթելով խաղաղութեան, արդարութեան ու հաշտութեան համար, ըսաւ հայր Տավիտ Նիւհաոս` տեղապահը Երուսաղէմի լատին պատրիարքութեան։ Անոնք չեն ուզեր տանջուիլ սակայն տանջանքը անբաժան մէկ մասը դարձած է իրենց կեանքին։ Ս. Երկրի քրիստոնեաները մեծապէս երախտապարտ են ընդհանրական Եկեղեցւոյ այս օգնութեան համար, առանց որու մենք` Ս. Երկրի քրիստոնեաներս, պիտի չկարողանայինք դիմագրաւել դժուարութիւնները։
Յայտնենք որ վերոյիշեալ դրամահաւաքէն կ’օգտուին նաեւ մահմետականներն ու հրեաները։
All the contents on this site are copyrighted ©. |