Կիպրոսի խորհրդարանին մէջ միաձայն ընդունուած է Հայոց ցեղասպանութեան ժխտումը քրէականացնող օրինագիծը: Այս մասին «Արմէնփրես»-ին տեղեկացուցած են Կիպրոսի հայ պատգամաւոր Վարդգէս Մահտեսեանի գրասենեակէն: Քուէարկութիւնը տեղի ունեցած է Ապրիլ 2-ին` քիչ առաջ:
Կիպրոսի մէջ ցեղասպանութիւնը ժխտողները կը պատժուին հինգ տարուան ազատազրկմամբ եւ կը վճարեն տուգանք 10000 եուրոյի չափով: Կիպրոսը Եւրոպայի մէջ 4-րդ պետութիւնն է Յունաստանէն, Սլովաքիայէն եւ Զուիցերիայէն ետք, որ կը քրէականացնէ Հայոց ցեղասպանութեան ժխտումը:
Այս օրերուն պաշտօնական այցով Կիպրոս կը գտնուին ՀՀ Ազգային ժողովի նախագահ Գալուստ Սահակեանի գլխաւորած պատուիրակութիւնը:
All the contents on this site are copyrighted ©. |