(Ռատիօ Վատիկան) Ուրբաթ, 27 մարտ 2015-ի, առաւօտեան ժամը 9.00 ին, Ֆրանչիսկոս Սրբազան Քահանայապետը Առաքելական պալատի REDEMPTORIS MATER մատրան մէջ, մասնակցեցաւ` Քահանայապետական տան Քարոզիչ` Հայր Ռանիէրօ Քանթալամէսայի Քառասնորդաց շրջանի շաբաթական խորհրդածութիւններու չորրորդ ու վերջին նիստին։
Յայտնենք թէ Հայր Քանթալամէսայի 2015-ի քառասնորդացի խորհրդածութիւններու ընդհանուր նիւթը եղաւ ''Երկու թոքեր , մէկ շունչ, արեւելք եւ արեւմուտք միացած դաւանած միեւնոյն հաւատքին մէջ'', իսկ այսօրուայ եզրափակիչ խորհրդածութեան նիւթը հանդիսացաւ ''Արեւելք եւ Արեւմուտք` Փրկագործութեան խորհուրդի դիմաց''։
All the contents on this site are copyrighted ©. |