Песня на словы Пантыфіка прагучыць у Ватыкане

У Пальмовую нядзелю на плошчы св. Пятра ў Ватыкане прагучыць песня на словы папы Францішка. Яе напісаў і выканаў аргентынскі спявак Одзіна Фацыа. Песня называецца “Para que todos sean uno” (Каб усе былі адно). Яна ўжо запісана і выпушчана “Sony Music” на чатырох мовах: іспанскай, партугальскай, італьянскай і англійскай. 29 сакавіка 2015 г. будзе даступна ў крамах і на лічбавых платформах.

40-гадовы Фацыа праспявае музычны твор асабіста падчас святкавання Пальмовай нядзелі ў прысутнасці Пантыфіка, з тэкстаў якога ён быў складзены. Па словах музыканта, стварыць песню, якая павінна стаць новым “гімнам міру”, яго папрасіў сам Францішак. 

Фацыо не ўпершыню спявае на плошчы св. Пятра. Ён гэта рабіў у 2014 г. падчас кананізацыі Яна XXIII і Яна Паўла II. Спявак з’яўляецца паслом ЮНЕСКА і старшынёй аб’яднання прадстаўнікоў культуры за мір у свеце.